2024 වසරේ ජනවාරි මාසයේ දී ශ්‍රී ලංකා විදේශ සේවා නියුක්ති කාර්යාංශයේ නිලධාරීන් සඳහා බාහිර ක්‍රියාකාරකම් මත පදනම් වූ පුහුණූවක් ලබා දීමට අදාළව ආයතනයක් තෝරා ගැනීමේ දී JSF Holding යන ආයතනයට අදාළ ලංසුව පිරිනැමීමට අයුතු සහගත ලෙස කටයුතු කිරීම තුළින් අදාළ ආයතනයට රජයේ මුදල් රු.5,301,200 /- (රුපියල් පනස්තුන්ලක්ෂ එක්දහස් දෙසීය)ක් අයුතු සහගතව ලබා දීමට සලස්වා එම මුදලින් රු.4,300,000 /- ක මුදලක් මෙම නඩුවේ පළමු සැකකරු වන ජී.එච්.ඩී.ශාන් යහන්පත් යන අයට අයුතු සහගත ලෙස ලබාගැනීමට සැලැස්වීම තුළින් පොදු දේපල පනත යටතේ වරදක් සිදු කිරීම සඳහා අනුබල දී කුමන්ත්‍රණය කර දූෂණය යන වරද සිදු කිරීමේ චෝදනාව මත ඉහත කාර්යාංශයේ සභාපති ලෙස කටයුතු කළ ඒ.එම්.එම්.හිල්මි යන අය 2025.11.25 වන දින පෙ.ව.10.00ට පමණ අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.