හිටපු ජනමාධ්ය සහ සෞඛ්ය අමාත්යවරයෙකු ලෙස කටයුතු කළ කෙහෙළිය රඹුක්වැල්ල ඇතුළු ඔහුගේ පවුලේ සාමාජිකයින් සය දෙනෙකුට එරෙහිව මුදල් විශුද්ධිකරණ චෝදනා යටතේ 2025.06.26 වන දින කොළඹ මහාධිකරණයේ දී නඩු පවරන ලදි.
ඒ අනුව,
- හිටපු ජනමාධ්ය සහ සෞඛ්ය අමාත්ය ලෙස කටයුතු කළ කෙහෙළිය රඹුක්වැල්ල
- කුසුම් ප්රියදර්ශනී ඈපා වැයිහේන
- චමිත්රි ජයනිකා රඹුක්වැල්ල
- චන්දුලා රමාලි රඹුක්වැල්ල
- අමාලි නයනිකා රඹුක්වැල්ල
- ඉසුරු පුලස්ති බණ්ඩාර පොල්ගස්දෙණිය
යන අයට එරෙහිව අල්ලස් හෝ දූෂණ චෝදනා විමර්ශන කොමිෂන් සභාව විසින් 2023 අංක 9 දරන දූෂණ විරෝධී පනතේ 112 වගන්තිය සමඟ කියවිය යුතු 2011 අංක 40 දරන පනතින් සංශෝධිත 2006 අංක 5 දරන මුදල් විශුද්ධිකරණ පනත යටතේ 3 (1) (ආ) වගන්තිය සහ 3 (2) වගන්තිය ප්රකාරව චෝදනා 43ක් යටතේ (පුද්ගලික බැංකුවක ස්ථාවර තැන්පතු සහ ජීවිත රක්ෂණ ඔප්පුවලට අදාලව රුපියල් ලක්ෂ 946 ක පමණ වටිනාකමකට ආසන්න) අධිචෝදනා ගොණු කර ඇත.
