කන්දකැටිය ප්‍රදේශයේ ව්‍යාපාරිකයකු විසින් සිදුකළ පැමිණිල්ලක් අනුව කීර්තිබණ්ඩාරපුර පොලීස් ස්ථානයේ සැරයන්වරයෙකු රු. 10,000/- අල්ලස් ඉල්ලා ලබාගැනීමේදී කීර්තිබණ්ඩාරපුර හෝටලයක් තුළදී අල්ලස් හෝ දුෂණ චෝදනා විමර්ෂණ කොමිෂන් සභාවේ විමර්ෂණ නිලධාරීන් විසින් 2025.08.05 දින පෙ.ව. 945 ට පමණ අත්අඩංගුවට ගන්නා ලදී.

පැමිණිලිකරුට අයත් වැලි ප්‍රවාහනය කරනු ලබන ලොරි රථයක් නවතා එහි වැලි ප්‍රවාහන බලපත්‍රය අත්සන් නොකර සිටීමටත්, වැලි ප්‍රවාහන කටයුතු බාධාවකින් තොරව කරගෙන යාමටත් රු. 10,000/- ක අල්ලස් ඉල්ලා ලබාගැනීමේදී සැකකරු අත්අඩංගුවට ගන්නා ලදී. අත්අඩංගුවට ගත් සැකකරු වලපනේ මහේස්ත්‍රාත් අධිකරණය වෙත ඉදිරිපත් කිරීමෙන් අනතුරුව 2025.08.18 දින දක්වා රක්ෂිත බන්ධනාගාරගත කරන ලදී.